6) As probas da evolución

 

A. Probas anatómicas

Baséanse no estudo das similitudes e diferenzas que presenta un mesmo órgano en distintas especies, co fin de comprobar posibles relacións de parentesco.

 

Órganos homólogos. Son aqueles que, malia ter unha estrutura interna semellante, están adaptados para realizar funcións distintas. Son estruturas herdadas dun antepasado común, por exemplo, as extremidades dos vertebrados.

                               

Órganos análogos. Son aqueles que teñen unha constitución anatómica diferente pero que presentan semellanza por desempregar a mesma función. Teñen unha orixe distinta, como é o caso dos diferentes tipos de ás; por exemplo, as dos insectos e morcegos.

                                        

 

 

B. Probas bioxeográficas

Fundaméntanse no estudo da distribución xeográfica das especies. A teoría da evolución sostén que os individuos que habitan xuntos nunha área determinada evolucionan de xeito semellante, mentres que os individuos que viven en poboacións illadas, canto máis prosiga ese illamento, maior probabilidade teñen de evolucionar cara a distintas formas.

                        

 

 

C. Probas embriolóxicas

Baséanse no estudo comparado do desenvolvemento embrionario dos animais co fin de descubrir semellanzas e intentar deducir parentescos evolutivos entre os devanditos organismos.

                               

 

 

D. Probas paleontolóxicas

Baséanse no estudo comparativo dos fósiles, restos de seres vivos (ou da súa actividade biolóxica) que existiron nos diferentes períodos xeolóxicos.

                                   

 

 

 

E. Probas recentes da evolución: probas moleculares

Actualmente, a bioloxía molecular achega as evidencias máis convincentes a favor da evolución dos organismos:

Por exemplo, existen moléculas como a quitina, presente no exoesqueleto dos artrópodos; a hemoglobina, presente no sangue de todos os vertebrados ou a clorofila, presente en todas as plantas verdes, que evidencian en cada caso unha mesma orixe evolutiva.

Diferenzas nas secuencias de aminoácidos da hemoglobina dalgunhas especies de mamíferos. Os números indican a cantidade de aminoácidos nos que difiren dúas especies comparadas.

• Uniformidade na composición química dos seres vivos.

• Secuencias de proteínas e de ADN.