9) O xénero Homo

Homo habilis

Este primeiro Homo non difería notablemente dos Australopithecus. Xurdiu en África.

O Homo habilis xa era capaz de pensar e fabricar ferramentas.

Homo ergaster e Homo erectus

• Homo ergaster. Apareceu entre hai 1,8 e 1,4 millóns de anos e posuía un certo parecido cos actuais seres humanos.

Tiña un tamaño semellante á dos humanos actuais, a cara máis longa e prominente, así como a fronte e os arcos supraciliares. Posuía molares robustos.

Era bo cazador e recolector, e dominou a técnica da talla da pedra.

 

                               



• Homo erectus. Considérase que é a mesma especie que o Homo ergaster, pero localizada fóra de África. O Homo erectus tiña escasa capacidade cerebral.

Homo antecessor e Homo heidelbergensis

 Homo antecessor (antecesor dos humanos de Europa e explorador de novas terras).

 Estes restos humanos atopáronse amontoados intencionadamente, polo que se cre que a sima foi utilizada como cemiterio.

     

Homo neanderthalensis

Este humano tiña unha gran fortaleza e potencia física. Era moi robusto, aínda que era máis pequeno que os seus antepasados. Tiña pernas e brazos curtos, adaptados a un clima xélido e a unha vida en constante movemento polas montañas e chairas.

En España hai moitos xacementos arqueolóxicos neandertais, principalmente en covas como a do Sidrón, en Asturias, ou o abrigo rochoso coñecido como Abric Romaní, en Cataluña.

 

         

Homo sapiens

Hai 250000 anos habitaba en África un humano con moitas características semellantes ás da nosa especie, o Homo rhodesiensis, que tamén se coñece como Homo sapiens arcaico.

O Homo sapiens posuía un cerebro capaz de elaborar ideas complexas, así como asociar símbolos repetidos que se expresaban a través de xestos, da fala e da linguaxe. Era moi habilidoso e fabricaba tamén obxectos de cuncha, óso e pedra para o adorno.

 

Morfoloxía e anatomía do Homo sapiens

Estes novos humanos tiñan xa o cranio avultado e un cerebro de preto de 1450 cm³. A súa cara era plana e vertical, de faccións suaves; a fronte levantouse e os arcos supraciliares reducíronse e suavizáronse. O queixo volveuse prominente e o aparello mastigador reduciuse.

A columna arqueouse para soportar unha cabeza pesada. A man afinouse e o pé conseguiu un mellor apoio no chan. A súa altura estaba aproximadamente en 1,70 m. As extremidades inferiores alongáronse considerablemente en relación co Homo neanderthalensis.