1) A biosfera e os ecosistemas

 

A vida na Terra

A diversidade de seres vivos que caracteriza o noso planeta foi posible grazas ás condicións ambientais da Terra. As máis importantes son:

  • A existencia dunha atmosfera protectora contra as radiacións.

  • Unha distancia ao Sol que proporciona a temperatura adecuada.

  • Unha achega continua de enerxía solar necesaria para o funcionamento do sistema terrestre.

  • A existencia de auga en estado líquido.

A zona da Terra habitada por seres vivos, que ocupa practicamente a totalidade do planeta, coñécese co nome de biosfera.

Que é un ecosistema

Un sistema defínese como un conxunto de elementos interrelacionados que funcionan de maneira coordinada.

A Terra é un sistema integrado por distintos elementos físicos e biolóxicos interdependentes, moi complexos e que se manteñen nun equilibrio inestable. Para poder estudar e comprender mellor o funcionamento global da biosfera estableceuse un termo convencional: ecosistema.

Denomínase ecosistema a un sistema constituído por organismos que se relacionan de seu e co espazo no que se instalan.

Polo tanto, son ecosistemas artificiais as cidades, as zonas industriais e as súas interconexións, e mesmo, as explotacións agrícolas e gandeiras modernas. Ningún destes ecosistemas posúe unha fonte inesgotable de enerxía como sucede cos ecosistemas naturais.

Elementos que integran un ecosistema

Os ecosistemas están formados polos seguintes dous elementos:

  • Biocenose. É o conxunto de seres vivos que habitan nun lugar ou ambiente determinado.

  • Biótopo. É o lugar ou espazo físico sobre o que se asenta a biocenose.

Os seres vivos dun ecosistema pertencen a reinos distintos e se agrupan en diferentes especies.

O concepto de especie fai referencia a un conxunto de individuos con características físicas similares, capaces de reproducirse entre si e producir descendencia fértil.

Os seres vivos agrúpanse

 Segundo a cantidade de individuos e o número de especies que as integran, as agrupacións máis importantes de seres vivos son:

  • Poboacións. Son grupos de organismos da mesma especie que viven nunha área e nun tempo determinados; por exemplo, un formigueiro, unha bandada de aves ou un banco de peixes.

  • Comunidades. Son agrupacións de poboacións de distintas especies que viven nun lugar determinado, entre as que se establecen relacións de interdependencia, como tamén sucede no caso das poboacións.

Comentarios

Publicar un comentario

Entradas populares de este blog

4) A meiose produce os gametos

Imagen
 A finalidade da meiose é formar gametos. Son haploides 23 gametos    A recombinacion xenética  As células resultantes da meiose non conteñen idéntica información xenética que a célula nai, como ocorre na mitose. Conteñen distintas combinacións de xenes que se xeran durante a meiose, por intercambio de material xenético entre cromátides de cromosomas homólogos. Este proceso denomínase entrecruzamento.       As etapas dos acontecementos que ocorren durante a meiose 
Leer más

3) Relacións tróficas nos ecosistemas

Imagen
  Que son as relacións tróficas Denomínanse relacións tróficas ás relacións de dependencia alimentaria que se establecen entre os distintos organismos dun ecosistema. Para representar graficamente a transferencia de materia e enerxía entre os organismos dun ecosistema utilízanse as cadeas tróficas . Nestes esquemas, mediante frechas, indícase a dirección que seguen a materia e a enerxía dende os seres autótrofos ata os descompoñedores, pasando por consumidores primarios e secundarios. Unha rede trófica é un conxunto de cadeas tróficas interconectadas que expresan todas as posibles relacións alimentarias que se dan entre os organismos dun ecosistema.                      Cantos niveis tróficos son posibles? O número de niveis dunha cadea trófica varía duns ecosistemas a outros pero, en ningún caso, poden alcanzar un número elevado. A perda de ene...
Leer más

2) As proteínas e os ácidos nucleicos

Imagen
- As proteínas son biomóleculas de gran tamaño que están formadas por distintas combinacións de aminoácidos, moléculas máis sinxelas, das que hai vinte tipos.     -Unha proteína está formada por maís de cen moléculas deses aminoácidos unidas en disposición lineal por medio de enlaces.  Hai varios niveles de complexidade das estructuras das proteínas: As funcións das proteínas son moi diversas, entre elas destacan as seguintes: Os ácidos nucleicos Son grandes moléculas que están formadas pola unión doutras mais pequenas, chamadas nucleótidos. Cada nucleótido está formado pola unión dunha molécula de monosacárido, unha de ácido fosfórico e unha molécula dunha base nitroxenada.  Hai dous tipos de ácidos nucléicos: ADN- É a moléculana que se localiza a información xenética das células de todos os seres vivos. Características do ADN:  - Cada nucleótido está formado por desoxirribosa, ácido fosfórico e unha das bases seguintes: adenina, guanina, citosina ou tamina. - ...
Leer más