6) As sucesións ecolóxicas

Denomínase sucesión ecolóxica á secuencia ordenada dos cambios que sofre unha comunidade ata que consegue chegar a un estado de estabilidade.

Ademais dos seres vivos, os factores ambientais tamén provocan alteracións no medio.

Etapas da sucesión primaria

Sucesión primaria

Denomínase sucesión primaria á secuencia de cambios que teñen lugar nunha zona onde non existiu nunca vexetación.

• Na primeira etapa, ou etapa pioneira, os primeiros organismos que se desenvolven son seres vivos con poucas necesidades nutricionais e capaces de soportar condicións ambientais moi adversas, coma os liques e os musgos.

• Estes organismos producen meteorización tanto química, por acción das substancias ácidas que producen, como física, ao introducir as súas estruturas de fixación na roca.

• Cando estes primeiros organismos colonizadores das rocas morren e se descompoñen contribúen á formación de solo fértil.

• A morte natural das plantas desta segunda etapa permite a formación de máis humus, facendo que o solo sexa cada vez máis fértil e profundo.

  Estas comunidades de seres vivos representan a etapa máis evolucionada dun ecosistema e denomínanse comunidade clímax.

         

Sucesión secundaria

Denomínase sucesión secundaria á que se inicia nun lugar onde, previamente, existiu un ecosistema e que, tras unha serie de transformacións por causas naturais ou provocadas, se converte noutro diferente.

As sucesións secundarias poden reiniciarse a partir de calquera etapa, non necesariamente desde o principio. Estas sucesións secundarias prodúcense máis rapidamente, xa que se parte dun lugar onde existiu solo e poden quedar sementes así como tamén outros restos da comunidade anterior.